છેલ્લા એક-બે વર્ષ થી RTE (Right to eduction) હેઠળ ગરીબ ઘરના બાળકો ને ખાનગી શાળામાં મફત પ્રવેશ માટે સક્રિયતા માં નોંધપાત્ર વધારો થયો છે .
સોશિયલ મીડિયામાં પણ લોકો આ બાબત નો પ્રચાર કરી કરી "બહેતી ગંગા માં હાથ ધોઈ પુણ્ય કમાવા " જેવી ધન્યતા અનુભવી રહ્યા છે .
રાજ્યભરમાં સરકારે પણ ખાનગી શાળા માં મફત પ્રવેશ ની આ RTE ની કામગીરી પણ અમારા જેવા કેટલાક શિક્ષકો ને સોંપી દીધી છે . અને આ અમારા પગ પર કુહાડો મારવાનું કામ અમે નિષ્ઠા પૂર્વક કરીશું એ સરકાર/તંત્રને ભરોસો છે અને અમોને "વ્યવસાયિક આત્મહત્યા કરવા ના કીમિયા" વિષય માં નિપુણતા મળતી જતી હોય એવું લાગે છે . નો-કરી માં જે સોંપાય તે નિષ્ઠા પૂર્વક કરીએ છીએ .
પણ ખાનગી શાળામાં જયારે કોઈ નબળી આર્થિક સ્થિતિ નું બાળક ભણવાનું શરુ કરે ત્યારે તેમના વાલીઓ ને કેવો તફાવત નડે છે તે ધ્યાન દોરવા વિનમ્ર પ્રયાસ કરું છું .
1) RTE હેઠળ બાળકની ફી માફ થાય છે અન્ય ખર્ચ નહીં .
2) સરકારી શાળામાં ડ્રેસ ના પૈસા પણ સરકાર આપે છે . ખાનગી શાળાના મોંઘા ડ્રેસ ગરીબ વાલી ને પોસાય ?
3) સ્પોર્ટ્સ નો વળી જુદો ડ્રેસ . શૂઝ પણ બે ટાઈપ ના લેવાના !
4) સરકાર બંને સેમેસ્ટરમાં પાઠ્ય પુસતકો અને સ્વાધ્યાય પોથીઓ પણ વિનામૂલ્યે આપે છેખાનગી શાળામાં આ ખર્ચ પણ ખુબ મોટો હોય છે .
5) ખાનગી શાળામાં સિંગલ લાઈન ડબલ લાઈન ફોર લાઈન ચેક્સ લાઈન પ્રયોગ પોથી જનરલ નોલેજ સંગીત ચિત્ર જેવા અનેક સ્ટેશનરી ખર્ચ આવે જ રખે છે . સરકારી શાળામાં આ બધું અમે સરકાર શ્રી કે દાતા શ્રી કે સ્વખર્ચ દ્વારા પૂરું કરાવીએ છીએ .
6)સાંસકૃતિક કાર્યક્રમો માં બાળક ના ડ્રેસ પાછળ પણ ખાનગી શાળામાં મોટા ખર્ચ આવે છે . સરકારી શાળામાં આવો ખર્ચ સ્ટાફ મેનેજ કરી લે છે .
7) કાયમ પ્રોજેક્ટ પાછળ બાળક માટે વાલીએ ખાસ સમય અને પૈસા ખર્ચવા પડે છે . સરકારીમાં આ ચિંતા પણ એના શિક્ષક જ કરે છે .
8) બાળકોને પ્રોત્સાહિત કરવા સરકારી શાળામાં અનેક પ્રકારના પ્રોત્સાહક ઇનામો અપાય છે .
9) બાળક જયારે માંદુ પડે કે પડે આખડે તો પણ એના શિક્ષકો એનો તબીબી ખર્ચ જ નહિ એની વિશેષ કાળજી પણ લેતા જ હોય છે .
સરકાર બાળકને ખાનગી શાળામાં ફી આપી શિક્ષણ આપે એ નિર્ણય ને સલામ . પણ આ *છુપા કમરતોડ ખર્ચ, *હિડન ચાર્જીસ, *કન્ડિશન એપ્લાય પણ વિચારવા જેવા છે . એ પછી જ કોઈ ગરીબ ઘરના બાળકને મોંઘી સ્કૂલમાં એડમિશન માટે તરફેણ કરવી .
માત્ર_બાળદેવોના_જનહિતમાં_જારી .