ચોરઃ અલા માણસ આમ કાં ભાગે છે? જો મારી પાછળ બે ગામની પોલીસ પડી છે. તો પણ હું કેવો શાંતીથી ચા પીઊ છુ.... માણસઃ અરે તારી પાછળ ખાલી બે ગામની પોલીસ પડી છે... મારી પાછળ આખેઆખા રાજયના IAS અધિકારીઓ.. આરોગ્ય અધિકારીઓ.. મામલતદાર.. નેતાઓ..મંત્રીઓ... અને બીજા કેટલાય પાછળ પડ્યા છે... તું પકડાતો હોઇશ તો તને ખબર હશે કે શેની સજા થઇ છે? અમને તો એ પણ ખબર નથી કે અમને કઇ વાતની સજા મળે છે? દર વરસે અમને ન્યાયના દરબારમાં કઠેડામાં ઊભા કરે છે... દર વરસે અમે નિર્દોષ હોવાના પુરાવા રજૂ કરીએ છીએ... પરંતુ ન્યાય મળે એ પહેલા તો બીજા મુકદમા અમારા પર ઠોકી દેવાય છે... અને અમે આખુ વરસ ફરી નિર્દોષ હોવાના પુરાવા શોધતા રહીએ છીએ... તું ચોરી કરતો હોઇશ તો તને એકને જ સજા મળતી હશે.. અમારા તો 40- 50,000 માંથી થોડાક આળસુ છે..કામચોર છે... તો પણ સજા માત્ર એ થોડાક નહી આખી નાત ભોગવે છે.. આખીયે દુનિયાની નજર એ 240 દિવસ પર નથી પડતી જ્યારે અમે વફાદાર પશુની જેમ કામ કરીએ છીએ.. પણ "મામા વેકેશન" નું મ્હેણું સાસુની જેમ આખો સમાજ અમને માર્યા કરે છે... જાણે અમે વેકેશન નથી ભોગવી રહ્યા ચોરીછુપીથી કોઈ ખોટુ કામ કરી રહ્યા હોય... અરે એક વાર અમારી વાત રજૂ કરવાની તક મળે તો અમને ખબર જ છે અમારા શબ્દોની ધારદાર તરવાલથી કોઇ બચી શકે એમ નથી... પણ મૌન છીએ કારણકે હજુ અમે અમારા હોદાનો મલાજો જાળવીએ છીએ....અમે મહાન છીએ એવા દાવા અમે નથી કરતા પણ અમારા પર વિશ્વાસ ન કરવો એવી વાત કરીને તમે ખરેખર અમારી નિષ્ઠાને ઠેસ પહોચાડી છે.. જો પાયા પર વિશ્વાસ નહી રાખો તો ઈમારત કેમ ચણશો?
ચોર: અરે માણસ.. તું તો ગળગળો થઇ ગયો.. તું કોણ છે? તારું કામ શું છે?
માણસઃ હું? હું પહેલા ગુરુ હતો.. એમાંથી મને શિક્ષક કર્યો.. એમાંથી સહાયક કર્યો.. એમાંથી પ્રવાસી કર્યો.. હવે ભટકુ છું દિશા વિહીન... મારુ કામ?? મારુ કામ પહેલા વિદ્યા આપવાનું હતુ.. પછી શિક્ષણ આપવાનું થયુ.. પછી ગોખાવવાનું... હવે મારા વિદ્યાર્થીઓ મને વર્ગખંડમાં શોધે છે.. પણ હું તો હવે પ્રવાસી થયો... કયાં મળીશ હું ખુદ નથી જાણતો...
ચોર:ભલા માણસ... તું એક કામ કર... તું તારા આદર્શ એક બાજુ મુક.. ને તને આપે એ કામ કર્યા કર..
માણસ: એ જ તો અમને નથી ખબર કોને શું જોઇએ છે??
કોઇ કહે વાંચન..
કોઇ કહે લેખન..
કોઇ કહે ગણન...
કોઇ જુએ પેપર..
કોઇ જુએ કસરતના દાવ..
કોઇ રમતને આપે માન..
કોઇ મેદાનમાં રમતા જોઇ ચડાવે નાક..
કોઇ તો વળી મંડપ વિના આવે નહી ને કુલર વિના બેસે નહી...
ને આઇસક્રીમ આરોગ્યા વીના જાય નહી...
કયારેક તો એમ થાય અમે પ્રવેશોત્સવ ઊજવીએ છીએ કે કોઇનો લગ્નોત્સવ... ગુણોત્સવ ઊજવીએ છીએ કે ગુણગાન ગાવાનો ઊત્સવ....
આ બધુ નથી સમજાતુ એટલે ભાગુ છું... ભાગુ છું....
ચોર: અરે પોલીસની જીપ આવી.. ચાલ હું પણ તારી સાથે ભાગું...
માણસ: મારી સાથે?? ના.. ના.. તારું ને મારું ભાગવાનું કારણ જૂદું .. હું તારી સાથે ન ભાગુ...
ચોર: કારણ.?? કારણ એક જ સરખુ છે... વિશ્વાસ મારા ઊપર પણ નથી... વિશ્વાસ તારા ઊપર પણ નથી... છે????? ચલ ચોર છુ પણ એક સલાહ આપુ છુ... ભાગવાનું બંધ કર નહીતર અવિશ્વાસી ની જેમ તને ચોર કહેતા પણ નહી ખચકાય આ લોકો... અહીં જ ઊભો રહે ને પાછો વળ... સામનો કર... ને ફરી ગુરુ થા... આજે તુ ભાગીશ તો કાલે તારા
વર્ગખંડના વિદ્યાર્થીને મારી જેમ ભાગવું પડશે... શંકરની જેમ ઝેર પીવુ પડે તો પીજે.. પણ તું અડીખમ રહેજે... તું પાયો હતો ને રહેવાનો આ સમાજનો... કોઇ વિશ્વાસ કરે કે ન કરે.. તું તારામાં વિશ્વાસ રાખજે...
Pages
- હોમ
- પરિપત્રો પ્રાથમિક
- SUPER VIDEO
- ગુજરાતી,
- હિન્દી
- સંસ્કૃત
- અંગ્રેજી
- ગણિત
- વિજ્ઞાન અને ટેકનોલોજી
- કોમ્પ્યુટર
- પર્યાવરણ
- પુસ્તક સાહિત્ય
- C.C.C.ઉપયોગી
- 2 થી 8 ની કવિતાઓ
- શાળાના ફોટોગ્રાફ્સ
- પ્રવાસ
- પ્રાર્થનાસભા
- ઇકો ક્લબ
- બાળવાર્તાઓ ડાઉનલોડ
- શાળા પત્રકો
- ચિત્ર,સંગીત,વ્યાયામ
- MOBILE PHONE
- Mp3 Song
- બાળ અભિનય ગીતો
- સાંસ્કૃતિક કાર્યક્રમો
- ધોરણ-12
- સામાજિક વિજ્ઞાન
- પ્રજ્ઞા
ચાલતી પટ્ટી
18 June 2016
ફરી ગુરુ થા... આજે તુ ભાગીશ તો કાલે તારા વર્ગખંડના વિદ્યાર્થીને મારી જેમ ભાગવું પડશે...
આપણે મન આ છીપલા છે એને મન તો એની સંપતિ છે
એક ચાર વર્ષનો ભાઈ અને એની છ વર્ષની બહેન
બંને ભાઇ બહેન બજાર મા ફરવા નીકળ્યા છે
નાનો ભાઈ છટા થી આગળ ચાલે છે
અને બહેન પાછળ છે
થોડી થોડી વારે ભાઈ પાછળ જોતો જાય છે કે બહેન આવે છે કે નહીં
રમકડા ની એક દુકાન આગળ બહેન ઊભી રહી જાય છે
ભાઈ નજીક આવી ને પૂછે છે
"કેમ
તારે કાંઇ લેવુ છે ?"
બહેને ઢીંગલી સામે આંગળી ચીંધીને બતાવ્યું
ભાઈ એ બહેન ની આંગળી પકડી
અને એક વડીલ ની અદા થી
બહેન ને એ ઢીંગલી હાથ મા આપી
બહેન ખુબ જ ખુશ થઇ
કાઉન્ટર પર બેઠેલો વેપારી
આ ભાઈ બહેન ને બહાર થી જોતા હતા
અને ભાઈ ના માસુમ વડપણ ને નીરખી ને મનમાં મુસ્કુરાતા હતા
કાઉન્ટર પાસે આવીને ચાર વર્ષનો એ બાળક બોલ્યો
'આ ઢીંગલી નુ શું છે ?'
"જીવતર ને ઘોળીને પી ગયેલા" એ વેપારી એ કહ્યું
'તમારી પાસે શું છે ?'
બાળકે ચડ્ડી ના ખીસ્સામાં થી સમુદ્ર ના છીપલા કાઢ્યા
અને કાઉન્ટર પર મુક્યા
પેલા વેપારીએ એ જ માર્મિક હાસ્ય સાથે બાળક ઉપર અમીભરી દ્રષ્ટિ કરી
અને જેમ રુપિયા ગણે એમ છીપલા ગણ્યા
બાળકે કહ્યું 'કેમ ઓછા છે ?'
વેપારી કહે
'ના આમાંથી તો વધશે'
વધેલા છીપલા ફરી ખીસ્સામાં નાખી અને ઢીંગલી રમાડતાં એ બાળકો તો જતાં રહ્યાં પણ
એના ગયા પછી વેપારી ને એના માણસે પૂછ્યું
'આવી કિંમતી ઢીંગલી તમે છીપલા ના બદલા મા આપી દીધી ?'
વેપારી એ કહ્યું
'ભાઈ, આપણે મન આ છીપલા છે
એને મન તો એની સંપતિ છે
અને
અત્યારે એને ભલે ના સમજાય
પણ એ મોટા થશે ત્યારે તો એને સમજાશ નેે
કે છીપ ના બદલે આપણે ઢીંગલી લઈ આવેલા ત્યાંરે એ મને યાદ કરશે
અને
એ વિચારશે કે દુનિયામાં સજ્જન માણસો પણ છે'
કૈંક ઈચ્છાઓ અધૂરી હોય છે,
જિંદગી તોયે મધૂરી હોય છે,
દ્રાક્ષ ખાટી દર વખત હોતી નથી,
જીભ પણ ક્યારેક તૂરી હોય છે.
લીમડાના પાન મેં પણ ચાખ્યાછે
માણસના બોલ કરતા મીઠા લાગ્યાછે
જિંદગી રોજ મને શીખવે કે જીવતા શીખ,
એક સાંધતા તેર તૂટશે, પણ સીવતા શીખ..
"મન ભરીને જીવો,
મનમાં ભરીને નહી" -
8 June 2016
જીવનની મૂલ્યવાન પળોનું આ જ વળતર ?
આ જ વળતર...?
→ચાર ગાડી,
→બે બંગલા,
→એક હેડ ઑફિસ,
→પાંચ બ્રાન્ચ,
→મૂડી ૫૦ કરોડની,
→વાર્ષિક ટર્ન ઓવર ૧૦૦ કરોડનું,
→સમાજમાં મોટું નામ,
→ત્રણ સંસ્થાનાં પ્રમખ,
→તેર સંસ્થામાં ટ્રસ્ટી..........
અચાનક આંખો બંધ થઇ ગઇ,બીજા દિવસે પેપરમાં આઠ બાય ચારની કૉલમમાં શ્રધ્ધાંજલિ
:- "એમની વિદાયથી અમને ખુબ દુઃખ થયું છે."..
ત્રીજે દિવસે એ પેપર પસ્તીમાં !!!.
જીવનની મૂલ્યવાન પળોનું આ જ વળતર ?
ખુશીની પળો તો ઘણી છે, જરા શોધી તો જુઓ,
ક્યારેક બાળક સરખા આનંદી બની તો જુઓ
નાનું શું, મોટું શું, સોંઘું શું ને મોંઘુ શું,
દુનિયાદારીની સમજ ક્યારેક ભૂલીને તો જુઓ
રોકી રાખી મનને ફિક્કું તો ઘણું હસ્યા,
ક્યારેક દિલ ખોલીને હસી તો જુઓ
અપાર સુખની લાલસામાં દોડ્યા ઘણું,
સુંદર છે દુનિયા, થોડું અમસ્તા થોભીને તો જુઓ
અહી પાનખરમાંય વસંત ખીલી ઉઠે છે,
બસ એક મીઠી મુસ્કાન ભેટમાં આપી તો જુઓ
માન્યું સરળ નથી આ જગતમાં સરળ બનવું,
છતાં કોઈક વાર સરળ બનીને તો જુઓ
માણો તો જિંદગીની દરેક પળ ખુશનુમા છે,
એક પળ બેફીકર બની તો જુઓ !!!
7 June 2016
બેટા, તારા મતે દુનિયાનો સૌથી શક્તિશાળી માણસ કોણ છે?
એક ભાઈને સંતાનમાં એક માત્ર દીકરો હતો. દીકરાને સફળતાનાં શિખર સુધી પહોંચાડવા માટે પોતાનાથી બનતા બધા પ્રયાસો કરવાનું પિતાએ નક્કી કર્યું. દીકરાને સાસામાં સારી સ્કૂલમાં ભણાવવા માટે એમણે દિવસ રાત મહેનત કરી. દીકરાની તમામ જરૂરિયાતનું પિતા ધ્યાન રાખતા. દીકરાને આગળ વધારવા માટે પિતાએ પોતાના બધા જ મોજશોખને મારી નાંખ્યા હતા. એનું એક માત્ર ધ્યેય હતું 'દીકરાને સફળતાની ટોચે પહોંચાડવો'.
પિતાનું સમર્પણ સાર્થક થયું. દીકરાને એક મલ્ટિનેશનલ કંપનીમાં ખૂબ સારા પગારથી નોકરી મળી ગઈ. આજે પિતાના આનંદનો પાર નહોતો એણે વર્ષોથી જોયેલું સપનું આજે સાકાર થવા જઈ રહ્યું હતું. દીકરાએ કહ્યું," પપ્પા, આજે મારી નોકરીનો પ્રથમ દિવસ છે અને તમારે મારી ઓફિસ જોવા મારી સાથે આવવાનું છે." પિતા દીકરાની આલિશાન ઓફિસ પર આવ્યા. દિકરાને આપેલી ચેમ્બર અદભૂત હતી. દીકરો પોતાની ખુરશી પર બેઠો.
પિતાનું હૈયું આજે આનંદથી તરબતર હતું. દીકરાની ખુરશી પાછળ ઉભા રહીને એણે આશીર્વાદ આપવા બંને હાથ દીકરાના ખભ્ભા પર મુક્યા. બાપને થયું આજે મારી જિંદગીભરની તપસ્યા ફળી. હું દુનિયાનો સૌથી શક્તિશાળી માણસ હોય એવું મને લાગે છે. દીકરા પાસેથી પણ એને આવા જ જવાબની અપેક્ષા હતી એટલે દીકરાને પૂછ્યું, " બેટા, તારા મતે દુનિયાનો સૌથી શક્તિશાળી માણસ કોણ છે?" દીકરાએ તુરંત જ જવાબ આપ્યો, " અરે પપ્પા શું તમે પણ ! અફકોર્સ હું જ આ દુનિયાનો શક્તિશાળી માણસ છું."
જવાબ સાંભળતા જ પિતાને આંચકો લાગ્યો. દીકરા માટે આટઆટલું કર્યું આમ છતાં દીકરાને મારી કિંમત નથી. કદાચ હું અભણ છું અને એ આટલો બધો ભણેલો છે એટલે એ મારા કરતા પોતાની જાતને વધુ શક્તિશાળી સમજતો હશે. પિતા દુ:ખી હૃદયે સામે આવીને બેસી ગયા. દીકરાને કહ્યું 'દુનિયાના સૌથી શક્તિશાળી માણસને ખુબ ખુબ અભિનંદન.' દીકરાએ કહ્યું, " પણ પપ્પા દુનિયાના સૌથી શક્તિશાળી માણસ તો તમે છો તો પછી મને કેમ અભિનંદન આપો છો ?"
પિતાને કંઈ સમજ ન પડી. દીકરાને પૂછ્યું, " હમણાં થોડી વાર પહેલા તો દુનિયાનો સૌથી શક્તિશાળી માણસ તું હતો. પાંચ મિનિટમાં એ સ્થાન મને કેમ આપી દીધું ? " દીકરાએ કહ્યું , ' એ વખતે તો એ સ્થાન મારુ જ હતું કારણકે તમારા બંને હાથ મારા ખભા પર હતા. તમારો સાથ હોય તો હું સમ્રાટ છું અને એ વગર સાવ મુફલિસ છું. " દીકરાની વાત સાંભળીને પિતાની આંખમાં આંસુ આવી ગયા. ઉભા થઈને દીકરાને ભેટી પડ્યા.
મિત્રો, તમે ગમે તેટલા પાવરફુલ ભલે થાવ પણ એ વાત ક્યારેય ન ભૂલતા કે આપણને પાવરફુલ બનાવવા માટે પોતાનો પાવર ડૂલ કરી નાખનારા પિતા આપણાથી પણ પાવરફુલ છે.
4 June 2016
भगवान ना नामे बधा ने अंधश्रध्धा मां धकेलवा वाळो माणस दुनीया नो सौथी मोटो मुर्ख व्यक्ती होय छो
" छोटे से जापान में...
603 किमी./घंटा रफ्तार वाली ट्रैन के बाद,
7G की टेस्टिंग शुरू हो चुकी है...
और इंडिया में लोग
Whatsapp पर 11 लोगों को
”ॐ नम: शिवाय:"जयमाताजी" भेजकर
फ्री बैलेंस और चमत्कार की उम्मीद कर रहे हैं।।
और तो और नही भेजा तो
अप्रिय घटना की चेतावनी दे देते है ? "
केम भाइ महाभारत काळ मा के रामायण मां भगवान एम कही गया हता ? के 2016 मां वोट्सएप आवशे ने मारा नामनी पोस्ट शेर करो एटले सारु थशे !
भगवान ने दिलथी याद करो ने भाइ- ! तोय सारु
लखवाथी के पोस्ट शेर करवाथी भगवान प्रसन्न ना थाय सारु कर्म करवाथी प्रसन्न थाइ
भगवान ना नामे बधा ने अंधश्रध्धा मां धकेलवा वाळो माणस दुनीया नो सौथी मोटो मुर्ख व्यक्ती होय छो
इश्वर नी शक्ती ने समजो - इश्वर ने मजाक ना बनावो
आ मेसेज तमारा ग्रुप मां सेन्ड करो थोडी घणी बुधी आवे
*प्राकृतिक सम्पदा बचाओ अपना कल सुरक्षित करो*
*एक बकरी के पीछे शिकारी कुत्ते दौड़े। बकरी जान बचाकर अंगूरों की झाड़ी में घुस गयी*।
*कुत्ते आगे निकल गए*।
*बकरी ने निश्चिंतापूर्वक अँगूर की बेले खानी शुरु कर दी और जमीन से *लेकर अपनी गर्दन पहुचे उतनी दूरी तक के सारे पत्ते खा लिए*।
*पत्ते झाड़ी में नहीं रहे*।
*छिपने का सहारा समाप्त् हो जाने पर कुत्तो ने उसे देख लिया और मार डाला* !!
*सहारा देने वाले को जो नष्ट करता है , उसकी ऐसी ही दुर्गति होती है*।
*मनुष्य भी आज सहारा देने वालीं जीवनदायिनी नदियां, पेड़ पौधो, जानवर, गाय, पर्वतो आदि को नुकसान पंहुचा रहा है और इन सभी का परिणाम भी अनेक आपदाओ के रूप में भोग रहा है*।
*प्राकृतिक सम्पदा बचाओ*
*अपना कल सुरक्षित करो*
3 June 2016
30 ગોળીઓ 30 દિવસની શક્તિ માટે:
30 ગોળીઓ
30 દિવસની શક્તિ માટે:
🌸〰〰〰🌸〰〰〰🌸
0⃣1⃣ ચિંતા કરવી છોડી દો – માનસિક શાંતિ હરી લે છે.
0⃣2⃣ ઈર્ષા ન કરો – સમય અને શક્તિનો વ્યય થાય છે.
0⃣3⃣તમારી મર્યાદાનો સ્વીકાર કરો – આપણે બધા જ મહાન નથી બની શકતા.
0⃣4⃣લોકોમાં વિશ્વાસ રાખો – તમે વિશ્વનીય હશો તો તેઓ પણ એવો જ પ્રતિભાવ આપશે.
0⃣5⃣પુસ્તક વાંચો – તમારી કલ્પના શક્તિ વધશે.
0⃣6⃣સારો શોખ કેળવો – તમારા જ્ઞાનતંતુઓને આરામ મળશે.
0⃣7⃣થોડો સમય એકાંતમાં ગાળો – તમારું દુઃખ હળવું થશે.
0⃣8⃣એક અંતરંગ મિત્ર બનાવો – જે તમારા દુઃખમાં સહભાગી થશે.
0⃣9⃣ઈશ્વરમાં શ્રદ્ધા રાખો – કાર્ય કરતા રહો પરિણામ તેની ઉપર છોડી દો.
1⃣0⃣સકારાત્મક-પોઝીટીવ વિચાર કરો – તમારા પ્રશ્નો ઉકેલાઈ જશે.
1⃣1⃣પ્રાર્થનાથી દિવસનો આરંભ કરો – તમારા આત્માને ઉર્જા પ્રાપ્ત થશે.
1⃣2⃣વડિલોનો આદર કરો – એક દિવસ તમારો પણ આવશે.
1⃣3⃣ખુશ મિજાજ રહો – એને ગુમાવવો મોંઘો પડે છે.
1⃣4⃣પોતાની જાતને ઓળખો – એ તમારી અંદર છે.
1⃣5⃣સુખની પાછળ દોટ ન મૂકો – એ તમારી પાસે જ છે.
1⃣6⃣સમય ન વેડફો – મહામૂલી જણસ છે.
1⃣7⃣અંધકારથી નિરાશ ન થશો – બીજા દિવસે સૂરજ ઉગવાનો છે.
1⃣8⃣દરેકને પ્રેમ કરો – તમને બમણો પ્રેમ મળશે.
1⃣9⃣શ્રદ્ધા રાખો – તમે બધું જ કરી શકો છો.
2⃣0⃣વર્તમાન ક્ષણનો આનંદ મેળવો – ભૂતકાળ વીતી ગયો છે. ભાવિની ખબર નથી.
2⃣1⃣વ્યવહારુ બનો – સુખનો રાજમાર્ગ છે.
2⃣2⃣ગુસ્સો સંયમિત કરો – એ ભયાનક બને છે.
2⃣3⃣મૃદુભાષી બનો – દુનિયા ઘોંઘાટથી ભરેલી છે.
2⃣4⃣ઊંચું વિચારો – ઉન્નતિના શિખરે લઈ જશે.
2⃣5⃣અથાક પરિશ્રમ કરો – મહાન બનવાનો કિમિયો છે.
2⃣6⃣સર્જનાત્મક બનો – મુખાકૃતિ સુંદર લાગશે.
2⃣7⃣હસતા રહો – પડકારનું તકમાં રૂપાંતર થશે.
2⃣8⃣તમારી ભાષા પર કાબૂ રાખો – તમારા ચારિત્ર્યનું દર્પણ છે.
2⃣9⃣ભય ન રાખો – ઈશ્વર હંમેશા સાથે જ છે.
3⃣0⃣રોજ ચિંતન કરો – આત્માનો ખોરાક છે.
🙏દરરોજ એક ગોળી લેવાથી તંદુરસ્તી જળવાઈ રહેશે.🙏