રાંધવાની રામાયણ....
રોજ રોજ રાંધવાની રામાયણ...............
સસરા છે સવાદિયા, ને સાસુ કચકચિયા,
છોકરા છે કકળાટિયા...
રોજ રોજ રાંધવાની રામાયણ.
દાદા કહે દાળ ભાત ને દાદી કહે ખિચડી કઢી,
બાળકોને ભાવે ફાસ્ટ ફૂડ
રોજ રોજ રાંધવાની રામાયણ...................
.પતિ કહે છોલે પુરી, દીકરો કહે પાણી પુરી,
એમાં પિસાય બિચારી નારી..
રોજ રોજ રાંધવાની રામાયણ......
એક કહે ઢોકળા ને બીજું કહે ભજિયા,
એમાં થાય રોજ કજિયા.....
રોજ રોજ રાંધવાની રામાયણ..................
એકને ભાવે ચાઈનીઝ, બીજાને પંજાબી, ત્રીજાને ફાવે ગુજરાતી...
રોજ રોજ રાંધવાની રામાયણ.
ઘરડાં કહે ચાલશે ને પતિ કહે ફાવશે, પણ બાળકોનો રોજ કકળાટ.
રોજ રોજ રાંધવાની રામાયણ.................
..ધન્ય છે એ નારીને જે ત્રણ પેઢી સાચવે, જીંદગીને ખુશીઓથી છલકાવે....
રોજ રોજ રાંધવાની રામાયણ.......